Ashley Glawe lenti í óvenjulegri lífsreynslu á dögunum sem endaði með ferð á bráðamóttöku. Ball python kyrkislangan hennar, Bart, hafði fengið að leika lausum hala og ákvað að prófa að skríða í gegnum gatið í eyrnasnepli hennar, en Ashley er með „tunnel“ lokk sem hún notar dagsdaglega. Forvitni slöngunnar varð hins vegar til mikilla vandræða því áður en Ashley vissi almennilega hvað var á seyði sat Bart fastur í eyrnasneplinum og ekki nokkur leið að draga hann þaðan út.
„Án efa klikkaðasta augnablik lífs míns!“ sagði Ashley sem deildi myndum af sjálfi sér með snákinn lafandi neðan úr eyranu á meðan hún beið eftir lækni. „Fór á bráðamóttöku vegna þess að kyrkislangan mín ákvað að festast í gatinu á eyrnasneplinum mínum!“
„Þetta gerðist alls svo hratt að áður en ég vissi hvað var um að vera var það of seint,“ sagði hún. Svo virðist sem gengið hafi vel að losa Bart úr prísundinni. „Þeir deyfðu á mér eyrað og teygðu á sneplinum svo þeir gætu komið honum í gegn án þessa að meiða hann.“
