Það er ekki sjálfsagt mál að fá að eldast. Þess vegna hljómar það alltaf fremur hjákátlega í mín eyru þegar kynsystur mínar væla yfir aldursmerkjum sem verða smátt og smátt sýnileg á líkamanum. Vitaskuld er ég ekki alsaklaus af væli – en ég hygg að þegar ég varð 42 ára gömul, jafngömul og mamma mín var þegar hún þurfti að hætta að lifa vegna krabbameins, hafi ég látið af þeim ósið. Þvílík fásinna að ég skyld þurfa að ná þeim áfanga til að áttta mig!
Vælið snýst um broshrukkur, skorur kringum munninn, minni teygjanleika húðarinnar, aldursfjarsýni, og þá staðreynd að aðdráttarafl jarðar virkar. Það sem hangir lengi, á það nefnilega til að síga.
Frumur mannslíkamans eru forritaðar með það í huga að eiga að duga okkur til lífs í ákveðinn árafjölda – því höfum við ekki getað breytt í grófum dráttum þrátt fyrir tækniframfarir og ó, svo mikinn vilja. Við konurnar gerum hins vegar ýmislegt til að vinna gegn breytingunum. Við vitum að það er prýðileg hugmynd að fá vænan skammt af súrefni daglega, einstaka göngutúr gerir okkur gott, já eða jafnvel líkamsrækt, vatnsdrykkja er töfrum líkust og ýmis smyrsli og krem geta liðsinnt húðinni.
Við konurnar sagði ég – þú last rétt! Líka karlar í nágrannalöndum – eins og ég hef orðið ítrekað vör við á ferðalögum mínum þegar ég stend mig ítrekað að því að „læka“ karlmenn á Tinder sem eru JAFNGAMLIR MÉR OG JAFNVEL ELDRI. Þetta gerist varla á Íslandi. Það er eins og minnisblaðið um líkamsumhirðu og heilsuhegðun hafi aldrei náð Íslandsströndum á leiðinni frá Evrópu. Eflaust velkist það einhvers staðar úti á ballarhafi, blekið orðið máð og pappírinn tættur.
Á þessu eru vissulega undantekningar – svo að ef þú ert karlmaður og byrjaður að safna í bálköst vil ég árétta að ef við höfum „matchað“ á Tinder á þetta augljóslega ekki við um þig.
Í tilefni af þessum pælingum langar mig að sýna ykkur myndir af vörpulegum karlmönnum sem eru um og yfir fimmtugt og hafa lesið umrætt minnisblað og tileinkað sér þá góðu siði sem þar eru ritaðir. Það má ef til vill færa rök fyrir því að genalottóið hafi verið þeim hliðhollt – en munum líka að fegurð er afstæð og með góðum siðum og gleði í hjarta getur hver sem er geislað á hvaða aldri sem er!
Fyrstan ber að telja Philippe Dumas, sem varð agalega vinsælt módel eftir að Instagram-reikningur hans rataði á Reddit. Hann er sextugur, fæddur í París og fyrirsætuferillinn hans er rétt að hefjast.
Þessi stælti New York búi á það til að skreppa í ræktina – enda er meiri vinna fyrir 53 ára mann að líta svona út en einhvern undir þrítugu! Fleiri myndir má skoða á Instagram.
Það má alveg gleyma sér góða stund þegar Instagram-síðan hans Gianluca er heimsótt. Hann er ekki bara fagurt fés, heldur líka prýðilegur dansari eins og sjá má í þessu myndbandi:
Þessi þokkafulli silfurrefur er vinsæl fyrirsæta, vinsæll á pöllum hönnuðanna sem og í myndaþáttum. Instagram-reikningur hans telur tæpar 60 MILLJÓNIR fylgjenda! Aiden hefur líka leikið í bíómyndum – hæfileikar OG fegurð!
Hann gæti eflaust stöðvað umferð með þessum kjálkum… En Eric er fyrirsæta, viðburðaplanari og kann að auki að skrifa þar sem hann ber titil ritstjóra á At Large Magazine. Hann er líka með Instagram.
Nei, þetta er ekki Guð almáttugur – heldur bara hann Alessandro! Hann tekur nú silfurrefinn á æðra plan verð ég að segja. Kíkið á Instagramið hans – ekkert að þakka!
Halló langafi! Vá, ÁTTATÍU ára! Hann stimplaði sig rækilega inn á síðustu tískuviku í Kína og uppskar titilinn „Heitasti afi í Kína“. Hann hefur að sjálfsögðu leikið í bíómyndum – annað væri hneisa.
Gríðarlega smart og gríðarlega tískumeðvitaður. Kíkið bara inn á Instagram hjá honum!
… afsakið það leið aðeins yfir mig. Er nú í læstri hliðarlegu og teygi mig í lyklaborðið. Þessi Kanadamaður er sætari en Justin Trudeau og Justin Bieber TIL SAMANS! Má þetta bara?
Þessi ákvað að hætta að vera mjúki bumbumaðurinn og skella sér í ræktina. Á Instagram skráir hann hverja upphífingu samviskusamlega.
