Tískubloggarinn Brianna McDonnell ólst upp við að skoða tímarit á borð við Vogue, Elle og V magazine og varð hún yfir sig heilluð af draumórunum sem skapaðir eru í tískuljósmyndun. Briönnu langaði til þess að gera eitthvað sem sneri að tísku en ýtti líka undir jákvæða líkamsímynd kvenna. Hún ákvað því að gera tísku dagatal þar sem konur í stærri stærðum gætu fengið að láta ljós sitt skína á listrænan og fallegan hátt. Hún fékk því til liðs með sér fleiri tískubloggara, áhrifavalda og vini í stærri stærðum og skapaði hún dagatal fyrir árið 2018 undir myllumerkinu #BeInYourSkin.
Dagatalið sýnir konur í mismunandi stærðum ásamt því að vera með fallegar tilvitnanir sem vekja manni innblástur.
Myndir úr dagatalinu má sjá hér að neðan en þær eru hreint út sagt stórkostlegar.
