Þýskir kvikmyndadagar verða haldnir í sjötta sinn í Bíó Paradís dagana 11. til 16. mars en þá verða sex nýjar þýskar myndir sýndar í kvikmyndahúsinu. Það eru Bíó Paradís og Goethe Institute í Danmörku sem standa fyrir hátíðinni í sameiningu.

Opnunarmynd hátíðarinnar er kvikmyndin Elser í leikstjórn Olivers Hirschbiegel, en hann er helst þekktur fyrir kvikmyndina Downfall sem fjallaði um síðustu daga Adolfs Hitlers. Þessi nýjasta mynd leikstjórans fjallar hins vegar um uppreisnarmanninn George Elser sem reyndi að ráða Hitler af dögum í nóvember 1939 og hefði tekist ætlunarverkið ef hann hefði aðeins haft 13 mínútur í viðbót.

Aðrar myndir sem verða sýndar verða eru Phoenix, Wir sind Jung, Wirs sind Stark, Ich und Kaminski, Victoria og heimildarmyndin B-Movie: Lust & Sound in West-Berlin 1979-1989. Allar myndirnar eru sýndar á þýsku með enskum texta.