Smári McCarthy og Ásmundur Friðriksson eru þingmenn Suðurkjördæmis. Ásmundur býr í Reykjanesbæ og keyrir í vinnuna, hann fær 44.680 krónur á mánuði frá Alþingi í húsnæðis- og dvalarkostnað vegna heimanaksturs. Smári býr á Hverfisgötu, 800 metrum frá Alþingishúsinu, hann fær 134.041 krónur á mánuði frá Alþingi í húsnæðis- og dvalarkostnað. DV leitaði til Helga Bernódussonar, skrifstofustjóra Alþingis, með eftirfarandi spurningu:

Smári McCarthy þarf að labba 800 metra í vinnuna. Hann er þingmaður Suðurkjördæmis og fær því 134.041 krónur á mánuði frá Alþingi í húsnæðis- og dvalarkostnað. Alþingi segir að hann geti ekki afþakkað greiðsluna.

Má Smári ganga í vinnuna og fá 44.680 krónur í stað 134.041?

Helgi Bernódusson, skrifstofustjóri Alþingis, svarar:

„Nei. Það verður að vera um raunverulegan heimanakstur að ræða. Og að sjálfsögðu búseta utan Reykjavíkur.“