Adele er á leið í kvikmyndirnar samkvæmt nýjustu fréttum, en hún á í viðræðum um að leika Nancy í endurgerð söngleiksins Oliver!

Þetta verður fyrsta hlutverk Adele í kvikmynd, en hún tók þátt í einni árið 2012 þegar hún söng titillag James Bond myndarinnar Skyfall. Adele ákvað í sumar að taka sér frí frá tónlistinni og tónleikahaldi, eftir að hún lauk sínu fyrsta (og væntanlega síðasta) heimstónleikaferðalagi, en hún kom fram á 121 tónleikum.

Samkvæmt heimildarmanni þá er Adele alvarlega að íhuga málið. „Hún setur Angelo (fjögurra sonur Adele) í fyrsta sæti, en hún sér þetta sem hlutverk sem hann kynni að meta. Þetta væri ný áskorun fyrir hana, en áskorun sem hún er algjörlega tilbúin að takast á við.“

Breski söngleikurinn Oliver!, með tónlist og textum Lionel Bart, er byggður á hinni ástsælu skáldsögu Charles Dickens, Oliver Twist. Söngleikurinn var frumsýndur á West End í London árið 1960 og á Broadway 1962. Hefur söngleikurinn verið settur upp ítrekað síðan við gríðarlegar vinsældir og árið 1963 fékk Bart Tony verðlaunin fyrir bestu frumsömdu tónlistina. Árið 1968 var gerð kvikmynd byggð á leikritinu og sló hún einnig í gegn og vann til sex Óskarsverðlauna, þar á meðal sem besta kvikmynd.

Oliver Twist er önnur skálddaga Dickens og kom út á árunum 1837-39. Bókin fjallar um munaðarleysingjann Oliver Twist, sem flýr slæma vist til London þar sem hann kynnist drengjahópi, en þeir starfa sem vasaþjófar undir harðri stjórn Fagin. Nancy er vændiskona, sem einnig er undir harðstjórn Fagin, og vinátta hennar og umhyggja um betra líf fyrir Oliver verða henni að falli.

Það er Sir Cameron Mackintosh, sem er heimsþekktur og margverðlaunaður leikhúsframleiðandi og Working Title Pictures, sem hyggjast nú gera endurgerð af kvikmyndinni frá 1968. Mackintosh er þekktur fyrir sýningar eins og Cats, Les Misérables, The Phantom of the Opera, Oliver!, Mary Poppins og Miss Saigon, svo aðeins fáar séu nefndar.

Sir Cameron Mackintosh