Boris Johnson, þingmaður breska Íhaldsflokksins og fyrrverandi borgarstjóri Lundúna, ætlar hvorki að sækjast eftir því að verða formaður flokksins né forsætisráðherra Bretlands.

Eftir að David Cameron forsætisráðherra Bretlands gaf út að hann myndi segja af sér vegna niðurstöðu Brexit kosninganna var fastlega búist við að Johnson myndi sækjast eftir hans stöðu.

Fyrr í morgun sagði Johnson í yfirlýsingu að hann teldi sig ekki geta staðið undir því leiðtogahlutverki sem til þyrfti né heldur að framboð hans myndi skapa þá samstöðu sem nauðsynleg væri.

Í morgun tilkynnti dómsmálaráðherra Bretlands, Michael Gove, nokkuð óvænt að hann ætli bjóða sig fram til formanns flokksins. Slíkt hið sama hafa orkumálaráðherra landsins, Andrea Leadsom, og varnarmálaráðherrann Liam Fox gert. Öll þrjú börðust fyrir því að Bretland myndi segja sig úr Evrópusambandinu, líkt og Johnson gerði einnig.