Heillandi sonur Toms Hanks Ross Malinger lék bæði í kvikmyndum og sjónvarpsþáttum sem barn. Þekktastur er hann fyrir hlutverk sitt í Sleepless in Seattle þar sem hann lék á móti Tom Hanks og Meg Ryan og heillaði áhorfendur upp úr skónum. Malinger dró sig í hlé frá kvikmyndaleik árið 2006 og varð framkvæmdastjóri bílasölu.

Ungur Óskarsverðlaunahafi Tatum O'Neal, dóttir leikarans Ryans O'Neal, var níu ára gömul þegar hún lék árið 1973 á móti föður sínum í myndinni Paper Moon. Hún hlaut Óskarsverðlaunin sem besta leikkona í aukahlutverki og er yngst allra þeirra sem unnið hafa verðlaunin. Síðan hefur hún leikið í kvikmyndum og sjónvarpsþáttum og komist í fréttir vegna einkalífs síns. Hún giftist tennisstjörnunni John McEnroe og átti með honum þrjú börn áður en þau skildu. Eiturlyfjaneysla hennar hefur nokkrum sinnum orðið fréttaefni og varð til þess að McEnroe fékk forræði yfir börnum þeirra. Leikkonan hefur sent frá sér tvær endurminningabækur en þar fjallar hún um erfitt samband við föður sinn, sem hún segir hafa beitt sig ofbeldi í æsku, stormasamt hjónaband og eiturlyfjaneyslu.

Tilnefndur til Óskarsverðlauna Justin Henry vann hug og hjörtu kvikmyndahúsgeta þegar hann lék í Kramer vs Kramer á móti Dustin Hoffman og Meryl Streep sem deildu um forsjá hans. Hinn ungi leikari sem var átta ára gamall var tilnefndur til Óskarsverðlauna fyrir frammistöðu sina og er enn yngsti leikari sem hefur hlotið tilnefningu. Hann kom fram í kvikmyndum og sjónvarpsþáttum í mörg ár. Hann menntaði sig í sálfræði en er nú í stjórnunarstöðu hjá AOL (America on Line).