Margar leikkonur hafa spreytt sig á hlutverki Lois Lane, vinkonu Superman en margir telja að engin hafi staðið sig betur en Noel Neill sem nýlega lést 95 ára gömul. Hún lék Lane bæði í kvikmyndum og sjónvarpsþáttum. Árið 1959 var hún að búa sig undir framleiðslu nýrrar sjónvarpsseríu um hetjuna fljúgandi þegar fréttir bárust af því að mótleikari hennar George Reeves hefði fundist látinn á heimili sínu.
Niðurstaða réttarrannsóknar var að hann hefði framið sjálfsmorð en líkt og margir aðrir efaðist Lane um þá niðurstöðu. Enn er deilt um hvort hann hafi framið sjálfsmorð, verið myrtur eða beðið bana vegna slysaskots. Hún lék móður Lois Lane í Superman árið 1978 og árið 2006 sást hún í Superman snýr aftur. Hún giftist þrisvar og skildi jafnoft og var barnlaus.
