Forsetaframbjóðandinn Davíð Oddsson rakst, ásamt föruneyti sínu, á grínistann Ara Eldjárn fyrir utan Kaffihús Vesturbæjar á miðvikudag. „Hann var þarna með sínu fólki að taka upp eitthvert innslag. Ég stóðst ekki mátið og tók í höndina á honum og heilsaði með minni bestu Davíðs-röddu. Hann spurði hvort hann fengi prósentur fyrir vikið og ég sagðist ekki greiða prósentur fyrir eftirhermur. Þá sagðist hann vera að meina prósentur í skoðanakönnunum,“ segir Ari í samtali við DV.
