Móðir Jennifer Aniston, Nancy Dow, er látin. Þetta kemur fram í tilkynningu frá leikkonunni í gærkvöldi. Þar segir að Nancy hafi látist á friðsælan hátt umkringd fjölskyldu og vinum eftir langvinn veikindi.

„Við óskum þess að einkalíf okkar verði virt á meðan við tökumst á við sorgina,“ segir Jennifer sem heimsótti móður sína í fyrsta skipti í fimm ár þann 12 maí síðastliðinn. Samkvæmt heimildum Radar Online var Nancy flutt í skyndi á sjúkrahús í Los Angeles um síðustu helgi þar sem hún lést í gær.

Heimildamaður slúðurmiðilsins In Touch Weekly segir að Jennifer hafi viljað ná sáttum við móður sína áður en hún lést. Þar kemur sömuleiðis fram að Nancy hafi fengið mörg alvarleg heilablóðföll áður en hún lést. Hún var að hætt að geta talað og gengið.

Fjölmiðlar hafa í mörg ár gert sér mat úr deilum þeirra mæðgna. jennifer sjálf viðurkenndi að þær ættu ekki skap saman. En Nancy skrifaði meðal annars opinskáa bók sem fjallaði um líf dóttur sinnar. Eftir að hún kom út töluðust þær ekki saman svo árum skipti.