Kourtney Kardashian skellti sér í Bláa lónið ásamt föruneyti sínu í gærkvöldi. Simon Huck birti þessa ljósmynd á Instagram-síðu sinni um miðnættið í gærkvöldi og virðist hópurinn hafa skellt sér í lónið eftir lokun.
Samkvæmt heimasíðu Bláa lónsins er opið til klukkan átta á kvöldin. Þess má þó geta að á heimasíðunni kemur einnig fram að mögulegt sé að opna Bláa lónið utan hefðbundins afgreiðslutíma og virðist hópurinn hafa nýtt sér þann möguleika.
Jonathan birti einnig mynd á Instagram-síðu sinni í gærkvöldi en á henni má sjá lónið. Athygli vekur að enginn virðist vera í lóninu.
Með Kourtney og Simon í för voru Stephanie Sheppard, aðstoðarkona Kim Kardashian og Jonathan Cheban sem er vinur fjölskyldunnar.
Eftir því sem DV kemst næst mun hópurinn halda af landi brott í dag.
