Hæstaréttardómarinn fyrrverandi flytur úr Stigahlíðinni
Jón Steinar Gunnlaugsson, fyrrverandi hæstaréttardómari, hefur sett einbýlishús sitt í Stigahlíðinni á sölu. Um er að ræða tæplega 330 fermetra hús sem var byggt árið 1968.
Jón Steinar og eiginkona hans, Kristín Pálsdóttir, festu kaup á húsinu árið 1990, en ásett verð eru 105 milljónir króna.
Húsið, sem er á tveimur hæðum, er níu herbergja, með innbygðum bílskúr og með aukaíbúð í kjallara. Rúmgott, gluggalaust geymslurými er inn af bílskúr og er það ekki inni í uppgefinni fermetratölu, að því er fram kemur í sölulýsingu vefnum Fasteignir.is
Þar kemur jafnframt fram að húsi og garði hafi verið vel við haldið. Stór sólpallur snýr í suður í fallegum og gróðursælum garði. Hellulagt er framan við bílskúr og hiti í bílaplani.
