fbpx
Fimmtudagur 21.ágúst 2025
Fókus

Aðventa, adventus, hann er á leiðinni!

Orðabanki Birtu

Margrét Gústavsdóttir
Sunnudaginn 3. desember 2017 15:00

Ekki missa af Helstu tíðindum dagsins í pósthólfið þitt

Lesa nánar

Aðventan hefst fjórða sunnudag fyrir jóladag og stendur því í fjórar vikur. Orðið aðventa hefur verið notað í málinu að minnsta kosti frá því á 14. öld og er tökuorð úr latínu adventus í merkingunni „tilkoma“. Að baki liggur latneska sögnin advenio „ég kem til“ sem leidd er af latnesku sögninni venio „ég kem“ með forskeytinu ad-.

Hér áður fyrr var oftar talað um aðventuna sem jólaföstu ef marka má dæmi í fornmálsorðabókum og í seðlasafni Orðabókarinnar. Nafnið jólafasta er dregið af því að í kaþólskum sið var fastað síðustu vikurnar fyrir jól og ekki etið kjöt.
Í Grágás, hinni fornu lögbók Íslendinga, stendur til dæmis að á jólaföstu skuli fasta hvern dag og tvær nætur í viku nema messudagur taki föstu af. Fæstir fara eftir þessu nú til dags enda ekki margir Íslendingar sem aðhyllast kaþólska trú.
Líklegast myndu nútíma Íslendingar kalla jólaföstuna „vegan-vikur“ ef siðurinn væri fundinn upp í dag og varla svo vitlaust að sleppa ketinu að mestu þar til aðfangadagur rennur upp með áframhaldandi ketáti til áramóta.

Íslensk orðsifjabók

aðventa kv. „jólafasta“. To., komið úr lat. adventus „koma“, ɔ koma eða fæðing Krists í heiminn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Ozempic-píkan hvimleitt vandamál en það er lausn – „Satt að segja fannst mér læknirinn klikkaður að hafa mælt með þessu“

Ozempic-píkan hvimleitt vandamál en það er lausn – „Satt að segja fannst mér læknirinn klikkaður að hafa mælt með þessu“
Fókus
Fyrir 3 dögum

Nýtt heimili Katrínar og Vilhjálms neyðir tvær fjölskyldur til brottflutninga

Nýtt heimili Katrínar og Vilhjálms neyðir tvær fjölskyldur til brottflutninga