Áður en tökur hófust á rómantísku kvikmyndinni Notting Hill, sem í dag er orðin klassísk var útlit fyrir að stærsta stjarnan yrði ekki með, Julia Roberts.
Roberts (58) segir í dag að hún hafi upphaflega hafnað myndinni sem „svo helvíti heimskulegri“ og efaðist um forsendur hennar áður en hún uppgötvaði sjarma myndarinnar sem að lokum sannfærði hana um að skrifa undir.
„Ég man bara þegar umboðsmaðurinn minn hringdi í mig varðandi Notting Hill og ég hugsaði: „Jæja, þetta hljómar eins og heimskulegasta hugmynd sem ég gæti nokkurn tímann gert í mynd. Ég ætla að leika stærstu kvikmyndastjörnu heims og hvað geri ég? Og hvað gerist svo? Þetta hljómar svo helvíti heimskulega,“ sagði hún í viðtali við Deadline.
„Og svo las ég handritið og hugsaði: „Ó. Þetta er svo heillandi. Þetta er svo fyndið. Ó, djöfull.““
Roberts var þó ekki alveg sannfærð og samþykkti að hitta handritshöfundinn Richard Curtis, framleiðandann Duncan Kenworthy og leikstjórann Roger Michell, og hafði í huga að hafna hlutverkinu á þeim fundi.
„Og svo fór ég í hádegismat með Richard og Duncan og ástkæra Roger Michell, blessuð sé minning hans.“
Áform hennar voru skýr fyrir fundinn: „Nei, þetta gengur ekki upp. Ég sleppi þessari mynd.“ En fundurinn gekk ekki eftir áætlun, sagði Roberts.
„Og þau voru svo heillandi, sæt og fyndin. Og ég hugsaði: „Vá, þetta er virkilega að fara að gerast.“ Og við skemmtum okkur konunglega við að gera þetta. Leikaravalið var fullkomið, allir vinirnir. Það var svo frábært. Og við skemmtum okkur konunglega. Og ég held að Roger hafi skapað myndina á þann hátt að hún tókst, á öllum sviðum, vel. Hún náði markmiðum sínum með öllum…“
Roberts stoppaði síðan viðtalið og hló, og mundi skyndilega eftir einu smáatriði sem henni fannst gott við „Notting Hill“. „Alec Baldwin!“ hrópaði hún. „Þetta er frábært leikaraval.“
Í maí 2024 fagnaði myndin 25 ára frumsýningarafmæli.
Í myndinni leikur Roberts heimsfræga leikkonu, Önnu Scott, sem kynnist breskum bóksala William Thacker, sem Hugh Grant leikur, eftir að þau hittast þegar hún heimsækir bókabúð hans. Þau hefja ástarsamband, en getur kona sem heimurinn elskar fengið að kynnast og þróa samband í friði fyrir almenningi og fjölmiðlum?
Þegar Roberts játaði hlutverkinu hafði hún þegar verið tvívegis tilnefnd til Óskarsverðlauna fyrir hlutverk sín í Steel Magnolias og Pretty Woman og hafði leikið í myndum eins og Mystic Pizza og My Best Friend’s Wedding.
Hún hlaut Óskarinn fyrir hlutverk sitt í Erin Brockovich árið 2001, auk Golden Globe, BAFTA og SAG-verðlauna. Fyrir Steel Magnolias og Pretty Woman hlaut hún Golden Globe verðlaun. Í ár er hún tilnefnd til Golden Globe verðlauna fyrir hlutverk sitt í After The Hunt.
