Bresku prinsessunum Beatrice og Eugenie hefur verið tilkynnt að þær geti ekki sótt Royal Ascot veðreiðarnar vegna tengsla foreldra þeirra við kynferðisbrotamanninn Jeffrey Epstein.

Aukin athygli hefur verið á foreldrum Beatrice og Eugenie, Andrew Mountbatten-Windsor og Sarah Ferguson, eftir að fyrrverandi prinsinn var handtekinn grunaður um misferli í opinberu starfi 19. febrúar.

Vegna hneykslismálsins var Beatrice og Eugenie sagt að þær gætu ekki sótt Royal Ascot í júní eða tekið þátt í konunglegu skrúðgöngunni með fjölskyldu sinni,. Beatrice (37) og Eugenie (35) eru að sögn breskra miðla undrandi vegna ákvörðunarinnar.

Daily Mail greinir frá því að Vilhjálmur prins og Katrín Middleton vilji halda þeim systrum í ákveðinni fjarlægð og að bannið sé hluti af víðtækari ákvörðun um að útiloka systurnar frá konunglegum viðburðum í framtíðinni. Vilhjálmur er sagður hafa ráðlagt öðrum konungsfjölskyldumeðlimum að birtast ekki á myndum með prinsessunum „það sem eftir er ársins.“

Eugenie sást á skíðum í Sviss aðeins nokkrum klukkustundum áður en faðir hennar var handtekinn. Hún sást njóta frís í svissneska frístaðnum Gstaad með eiginmanni sínum, Jack Brooksbank, tveimur börnum þeirra, barnapíu og hópi náinna vina. Sjónarvottur sagði við Hello!: „Ég varð hissa að sjá hana því ég hélt að hún myndi halda sig utan sviðsljóssins í ljósi alls sem hefur verið í gangi.“

Á sama tíma er móðir systranna nú einnig sögð vera í Sviss þar sem tengsl hennar við Epstein eru í auknum mæli skoðuð. Ferguson (66)  skráði sig inn á Paracelsus Recovery Clinic í Zürich, að því er Daily Mail greindi frá, sem kostar að sögn yfir 17.500 dali á nótt.

Andrew var handtekinn á 66 ára afmælisdegi sínum fyrir að hafa sent Epstein trúnaðarskjöl. Ef hann verður fundinn sekur gæti hann átt yfir höfði sér lífstíðarfangelsi.

Ferguson gæti átt yfir höfði sér spurningar frá lögreglunni í Thames Valley, sem handtók Andrew, ef hún snýr aftur til Bretlands. Þó að engar sannanir séu fyrir neinum refsiverðum brotum Ferguson, „gæti lögreglan haft ástæðu til að yfirheyra Söruh Ferguson [þar sem] hún gæti verið viðeigandi vitni í þessu máli.“

Ferguson, sem skildi við Andrew síðan 1996, var svipt hertogaynjutitlinum af York í kjölfar Epstein-hneykslisins í október 2025.