Eins og alþjóð veit hefur frost ríkt í samskiptum Karls Bretakonungs og Harry sonar hans. Feðgarnir eru ekki í neinum samskiptum og Harry hefur dvalið í einskonar útlegð í Bandaríkjunum hin síðar ári.
En nú er möguleiki á því að sættir náist.
The Mail on Sunday birti myndir af fulltrúum Harry og konungs hittast á fundi þar sem talið er að „friðarsamningar“ hafi verið ræddir. Eins og gefur að skilja eru breskir miðlar helteknir af málinu og segja morgunljóst að fulltrúarnir hefðu aldrei skipulagt slíkan fund nema með vilja og leyfi konungs og Harry.
Þá telja sérfræðingar það útilokað annað en að Vilhjálmur Bretaprins hafi verið með í ráðum og hann lagt blessun sína yfir þetta skref. Samskipti bræðranna eru á enn verri stað en feðgana og hafa ýmsir sérfræðingar velt því fyrir sér hvort að það sé yfir höfuð hægt að bjarga sambandi þeirra.
Þrátt fyrir bjartsýni um sættir telja breskir miðlar að löng barátta sé framundan. Þetta hafi bara verið fyrsta skrefið.
