Konan leitaði ráða til netsamfélagsins á Reddit. People greinir frá.
Konan, sem er 28 ára, segir að prjóna sé hennar leið til að „slaka á og sýna fólki í lífi mínu ást.“
Vinkona hennar, Sarah, átti afmæli og tók það konuna nokkrar vikur að prjóna sérstakan trefil fyrir hana. „Trefillinn var í uppáhalds litunum hennar, mikið af flottum smáatriðum og satt að segja er þetta eitt það besta sem ég hef búið til,“ segir konan.
Sarah virtist fyrst ánægð með gjöfina og birti meira að segja mynd af henni á samfélagsmiðlum. En sannleikurinn um tilfinningar Söruh kom í ljós í nýlegu partýi.
Einhver hrósaði Söruh fyrir trefilinn: „Sarah bókstaflega hló og sagði: „Ó, þetta gamla hérna? [Hún] bjó hann til. Hún eyðir öllum tíma sínum með garni í stað þess að eiga líf.“
Konan segir að Sarah hafi einnig sagt að hún væri bara með trefilinn því hún vorkenndi konunni og sagði að hann væri ekki lengur í tísku. Á meðan þessu stóð var konan í sama herbergi og heyrði allt sem var sagt.
„Ég var svo niðurlægð,“ segir hún. Hún nálgaðist Söruh í einrúmi. „Ég tók trefilinn rólega af henni og sagði: „Ef þetta er svona hræðileg gjöf þá þarftu hana ekki.“
Sarah var hissa en sögunni er ekki lokið. Konan segir að vinkonan hafi byrjað að dreifa sögum um að hún væri „afbrýðissöm“.
„Sumir segja að ég hefði bara átt að hunsa hana, en ég veit ekki, þetta var mjög sárt.“
Reddit-samfélagið hughreysti konuna og sagðist standa með henni. Einn netverji spurði hvort hún vildi vera vinkona einhverrar sem myndi tala svona um hana.
