Fjölmiðlamaðurinn Frosti Logason og matreiðslumaðurinn Helga Gabríela Sigurðardóttir hafa sett íbúð sína við Háaleitisbraut í Reykjavík á sölu.

Eignin er 158,9 fermetrar að stærð og ásett verð er 84,9 milljónir.

Frosti auglýsti íbúðina til sölu á Facebook. „Hér er einstakt tækifæri til að eignast þessa björtu og fallegu íbúð með stórbrotnu útsýni. Ég leyfi mér að fullyrða að hún er fullkomlega staðsett á besta stað í borginni,“ sagði hann og bætti við:

„Þetta heimili hefur verið okkar athvarf og sannkallaður sælureitur í gegnum árin, og nú leitum við að nýjum eigendum sem vilja njóta þess jafn mikið og við höfum gert.“

Hægt er að skoða fleiri myndir og lesa nánar um eignina á fasteignavef DV.