Kristján Óli Sigurðsson fyrrum leikmaður Breiðabliks fór mikinn í Þungavigtinni þegar hann ræddi um Kennie Chopart leikmann Fram.

Fram og Breiðablik gerðu 1-1 jafntefli í Bestu deildinni í fyrradag þar sem Blikar fengu mjög umdeilda vítaspyrnu í uppbótartíma.

Kristján sem sparar stundum ekki stóru orðin fór mikinn þegar rætt var um leikinn og vildi segja sína skoðun á danska varnarmanninum.

„Framarar eru grófasta lið deildarinnar, Kennie Chopart er mesti auminginn í deildinni. Hann sparkar menn niður og er svo grenjandi og leika einhvern karl,“ sagði Kristján og var heitt í hamsi í Þungavigtinni.

Kristján hélt svo áfram. „Hann er ræfill að sparka menn niður.“

Sparkspekingurinn sagði hins vegar að Fram hefði líklega átt skilið að vinna leikinn. „Þeir áttu skilið stig og mögulega þrjú, ég horfði á allan leikinn.“