Arthur Brooks, félagsvísindamaður við Harvard og sérfræðingur í ást og hamingju, segir að ástríða sé ekki lykillinn að langlífu hjónabandi, heldur vinátta.

Hann hefur rannsakað ástarsambönd í 25 ár og deildi helstu niðurstöðum sínum í hlaðvarpinu The Drive með lækninum Peter Attia.

Hann sagði að hjón þurfa fyrst og fremst að vera góðir vinir, því vináttan er það sem heldur hjónabandinu gangandi eftir að ástríðan dvínar, sem er eðlilegt að gerist með tímanum að sögn Arthur.

Arthur segir að það sé einnig mikilvægt að eiga vini utan hjónabandsins, sérstaklega fólk sem er ekki í sambandi.

„Ef þú átt ekki maka þá þarftu alvöru vini, fólk sem þekkir þig, veit leyndarmálin þín og svarar símanum klukkan tvö um nótt,“ segir hann.

„Það er ein af ástæðunum fyrir því að karlar standa sig oft illa eftir að þeir missa eiginkonu sína eða skilja, þeir eiga enga nána vini.“