Cassie og Diddy voru saman í áratug, þar til þau hættu saman árið 2018, og hefur hún sakað hann um margvíslegt og hrottalegt ofbeldi.
Sjá einnig: Tárvot Cassie Ventura lýsti því fyrir dómi hvernig Sean „Diddy“ Combs barði hana og niðurlægði
Hún er stjörnuvitnið í réttarhöldunum og er óhætt að segja að margir séu slegnir eftir vitnisburð hennar og lýsingar hennar.
Hún var beðin um að lýsa alræmdum kynlífspartýjum Diddy, sem voru kölluð „freak-offs“. Hún sagði að hún hafi ekki fengið neitt val um hvort hún myndi taka þátt og að Diddy hefði stjórnað öllu sem færi fram, eins og hjá hvaða vændiskarli hún ætti að stunda kynlíf með og svo tók hann allt upp á myndband og notaði það gegn henni.
„Ég átti að taka þátt í freak-offs þegar ég var á túr. Hann vildi það, en ég vildi það ekki,“ sagði hún í vitnastúkunni. NBC News greinir frá. „Það fór blóð í rúmfötin.“
Cassie lýsti einnig niðurlægjandi atviki. Hún sagði að Diddy hafi skipað vændiskarli til að hafa þvaglát upp í munn hennar.
„Þetta kveikti í honum, þannig þetta gerðist. Ég var niðurlægð, þetta var ógeðslegt. Þetta var of mikið, ég kafnaði. Ég vildi ekki gera þetta. Ég var í aðstæðum sem ég gat ekki komið mér auðveldlega út úr. Ég endaði með að setja hendurnar mínar upp og Sean sá það og sagði honum að stoppa. Ég var að kafna, of mikið þvag upp í mér. Sean hafði þvaglát á mig á sama tíma.“
Hún útskýrði af hverju hún sagði ekki nei. „Mér fannst þetta strax ógeðslegt en ég var undir áhrifum, þá ertu ekki við stjórnvöllinn.“
