Dodin var um tíma ein fremsta tenniskona heims, en hún varð atvinnumaður í íþróttinni árið 2011 og árið 2017 komst hún í 46. sæti heimslistans.
Dodin lenti í alvarlegum meiðslum sem héldu henni frá keppni í níu mánuði, en hún sneri aftur á tennisvöllinn í september og er nú í 744. sæti heimslistans.
Í frétt The Sun kemur fram að Dodin, sem er 29 ára, hafi ákveðið að feta í fótspor tennisstjarna á borð við Chloe Paquet, Alexandre Muller, Nick Kyrgios, Pedro Martinez og Sachia Vickery sem öll hafa opnað aðgang á OnlyFans.
Segir í frétt The Sun að Dodin hafi skrifað undir samning við fyrirtækið og hann færi henni hærri upphæð á einu ári en hún hefur þénað á fjórtán árum sem atvinnumaður í tennis.
Talið er að Dodin hafi þénað um 360 milljónir króna á tennisferli sínum, en miðað við frétt The Sun mun samningurinn færa henni meira en það í vasann á aðeins einu ári.
Áhorfendur veittu því athygli þegar Dodin sneri aftur á tennisvöllinn í september að hún var búin að fara í brjóstastækkun.
