Daily Mail greinir frá þessu á vef sínum í dag.
Thomas, sem er 81 árs, hefur glímt við heilsubrest á undanförnum árum en hann gekkst undir aðgerð eftir að blóðtappi myndaðist og hindraði blóðflæði til fótleggsins. Aðgerðin tók þrjár klukkustundir og heppnaðist að sögn vel.
Sonur hans, Thomas yngri, staðfesti fréttirnar í gærkvöldi og sagði að faðir hans hefði sýnt mikinn styrk síðustu daga:
„Fóturinn á honum varð fyrst blár og síðan svartur. Þetta gerðist mjög hratt. Ég fór með hann á næsta sjúkrahús þar sem þeir skoðuðu hann vel og vandlega, og sögðu að það þyrfti að fjarlægja fótlegginn.“
Segir Thomas yngri að læknar hafi talað um að aðgerðin væri upp á líf og dauða. „Það var annað hvort að fjarlægja fótlegginn eða taka sénsinn á að hann myndi deyja.”
Thomas er búsettur á Filippseyjum, en hann flutti þangað fyrr á árinu í þeirri von að byggja upp nýtt líf eins og hann orðaði það. Hann og Meghan eru ekki í neinum samskiptum og hefur hann til að mynda ekki enn hitt barnabörn sín, Archie og Lilibet sem eru 6 og 4 ára.
Thomas dvelur enn á gjörgæsludeild og gæti hann þurft að gangast undir aðra aðgerð vegna blóðtappa í vinstra lærinu.
