„Amma var líka 17 ára þegar hún eignaðist mömmu, þannig að amma var 30 og eitthvað ára orðin amma. Ég man svo eftir því að amma eignaðist barn 36 ára þannig að ég man eftir að hafa heimsótt ömmu á fæðingardeildina. Ég var ekkert að pæla í því þá að það væri eitthvað sérstakt en ætli það sé ekki svolítið spes,“

segir rithöfundurinn Eva Björg Ægisdóttir í viðtali í Fullorðins.

Mamma Evu Bjargar á þannig systkini sem eru yngri en hún. Eva Björg segist einnig eiga tvo yngri systkini.

„Þetta þótti líka ungt þá. Ef ég hugsa um þetta í dag, ég á strák sem er 16 ára og guð minn góður hvað hann er ekki tilbúinn í barneignir strax. En mamma og pabbi gerðu þetta bara vel.“

Foreldrar Evu Bjargar voru 16 og 19 ára þegar hún fæddist og eru enn saman. Fjölskyldan kom sér fyrir á Akranesi, þar sem Eva Björg býr enn. Segir hún bæinn dæmigerðan smábæ þegar hún ólst upp.

„Dæmigerður smábær þar sem enginn læsti hurðinni og allir voru svolítið frjálsir. Og rosa gott að alast upp þar.“