Gardell gerði garðinn frægan í þáttunum Mike & Molly á árunum 2010 til 2016 og þá hefur hann leikið í ýmsum öðrum þáttum og farið með minni hlutverk í bíómyndum.
Billy, 56 ára, gekkst undir hjáveituaðgerð fyrir fjórum árum og hefur misst yfir 77 kíló. Ekki nóg með það þá hefur honum tekist að viðhalda þyngdartapinu sem getur verið krefjandi.
Leikarinn ræddi um málið í samtali við People. Hann var greindur með sykursýki 2 árið 2020. Hann vildi bæta heilsuna og fór í hjáveituaðgerð sumarið 2021. En hann vissi að það væri ekki nóg, hann þurfti að breyta sambandi sínu við mat.
„Ég þurfti að breyta því hvernig ég hugsa um mat. Matur er bensín, ekki verðlaun, ekki huggun eða lyf. Ég þurfti að laga tilfinningalegt samband mitt við mat,“ sagði hann og deildi því sem hann borðar til að viðhalda þyngdartapinu.
Billy byrjar daginn á samloku með kalkúnapylsu. Síðdegis fær hann sér kotasælu og ávexti í millimál. Í kvöldmat fær hann sér létta máltíð, sem er hvorki steikt né full af sykri, að hans sögn.
Hann drekkur líka 2,2 lítra af vatni á dag, tekur fjölvítamín, lýsi og góðgerla.
„Ég leyfi mér samt að fá mér stundum einn til tvo bita af einhverju sætu ef ég vil,“ sagði hann.
Billy æfir þrisvar til fjórum sinnum í viku.
Leikarinn sagði að vissulega væri þetta mjög ströng rútína og stundum líði honum eins og hann sé í „Groundhog Day“ en „það er þess virði.“
„Ég er ekki lengur með sykursýki. Ég er orkumeiri og sterkari. Þyngdartapið bjargaði lífi mínu,“ sagði hann.
