Svona hefst bréf karlmanns til kynlífs- og sambandsráðgjafa The Sun, Dear Deidre.
„Ég veit að þetta er siðlaust, slæmt fyrir mig og lætur mér líða hræðilega, en ég get ekki hætt. Það hlýtur að vera eitthvað að mér, hvernig á ég að komast yfir þetta?“
Maðurinn er 32 ára og einhleypur. Hann hefur aldrei átt í sambandið við einhleypa konu á hans aldri.
„Allar sem ég hef verið með – og þær eru mjög margar – hafa verið giftar eða í sambandi. Oftast eru þær eldri en ég.
Þessi ástarsambönd vara stutt, oftast bara í nokkrar vikur þar til mér fer að leiðast.“
Maðurinn segir að það sé „furðulega auðvelt“ að hitta giftar konur sem vilja stunda kynlíf. „Það er til nóg af konum sem eru ekki að fá það sem þær þurfa frá eiginmönnum sínum,“ segir hann.
En svo kynntist hann konu sem breytti þessu öllu.
„Einu sinni var spennandi að hitta konu á netinu eða á bar og stunda kynlíf með henni á hótelherbergi. En ekki undanfarið, nú fæ ég tómleikatilfinningu og ekki nóg með það þá er ég orðinn ástfanginn af einni þeirra. En hún hefur verið skýr með að samband okkar snúist bara um kynlíf og að hún muni aldrei fara frá eiginmanni sínum.
Þetta er í fyrsta skipti sem mér líður eins og það sé verið að nota mig. Mér finnst ömurlegt að geta ekki hringt í hana eða hitt hana hvenær sem ég vil.
Ég veit að ég ætti að slíta þessu og reyna að hitta einhleypa konu, en ég veit ekki hvort ég geti það.“
„Þú ert fastur í mynstri sem er að gera þig óhamingjusaman, að viðurkenna það er fyrsta skrefið að komast út úr því. En þú verður líka að komast að rót vandans, af hverju sækist þú bara í giftar konur?
Það gæti verið af því þig langar í tilfinningalega nánd án skuldbindingar, eða þér finnist þú ekki eiga skilið ást.
Það er líklegt að þetta tengist æskunni þinni. Það mun hjálpa að tala við sálfræðing og vinna í þessu.“
