Afskekkt sauðfjárbú frá 15. öld á Norðurlandi hefur fundið nýjan tilgang: það er fæðingarstaður næsta slagara Justin Bieber segir í grein á ferðavefnum Travel + Leisure sem fjallar um hvar tónlistarmaðurinn dvaldi í nýlegri Íslandsheimsókn sinni. Tímaritið Travel + Leisure er eitt vinsælasta ferðatímarit heims og vefurinn ekki síður vinsæll.
Bieber sem er 31 árs hefur farið í fjórar tónleikaheimsreisur þar sem hann hefur komið fram í sex heimsálfum fyrir framan tugþúsundir áhorfenda frá Mexíkóborg til Höfðaborgar til Taipei.Þegar kom að því að taka upp næstu plötu sína valdi Bieber hins vegar Ísland þar sem hann dvaldi á Eleven Deplar Farm í viku og vann að nýrri tónlist í upptökurýminu, Flóka Studios. Söngvarinn kallaði upplifunina „bestu ferð lífs míns“ — og hann hefur deilt hvorki meira né minna en 20 færslum á Instagram hingað til, þar sem hann hefur skjalfest ferðina.
Ævintýraskálin, sem er með 13 herbergjum, er staðsettur í hinum stórbrotna Fljótsdal á Tröllaskaga, á svæði „einangrað af hrikalegum fjöllum, ósnortnum ám og dunandi brimi,“ segir á heimasíðu gististaðarins. Fjarlæg staðsetningin býður upp á upplifun sem gerir gestum kleift að aftengjast ysi borgarlífsins, með ævintýrum eins og hestaferðum, fluguveiði, feithjólum og þyrluskíði.
Í vikudvöl sinni þar deildi Bieber myndum á Instagram af sjálfum sér á þyrluskíðum, sitjandi við varðeld, að spila borðtennis og gangandi meðfram strandlengjunni án þess að nokkur merki um annan mann væru í sjónmáli. Hann notaði oft töfrandi náttúru Íslands og byggingarlist sem bakgrunn fyrir andlitsmyndir. Hann deildi einnig nokkrum myndum af dýralífi landsins, þar sem allar myndir frá tíma hans á Íslandi eru merktar Rory Kramer dýralífsljósmyndara.
Á milli þess sem hann naut þess að vera í fjarri hversdagsleikanum voru Bieber og teymi hans vera dugleg að vinna að nýrri tónlist, með myndum af honum að syngja í hljóðnema þegar hann horfði á símann sinn, auk þess að spila á trommur, píanó og gítar.
Eleven Deplar Farm og Flóki Studios deildu einnig myndböndum og myndum af dvöl Biebers, þar á meðal eitt sem bar yfirskriftina „friðsamlegar stundir frá ferð Justin Bieber til Flóka Studios,“ og annað sem skráir dvöl hans með myndum af honum að njóta snæviþöktu fjallanna og veltandi túnanna.
Þó að sumir hafi haft áhyggjur af nýlegum færslum listamannsins, „virtist umgjörð Íslands eins og það væri hið fullkomna athvarf,“ sagði heimildamaður í samtali við tímaritið People.
Deplar er í „stílhreinum skálum fjarri byggð“ með lofthæðarháum gluggum og notalegum skreytingum eins og rekaviði, íslenskum við og steinum úr Fljótaá. Það eru 10 svefnherbergi með rúmum í king stærð, þar af fimm með svefnlofti, tvö herbergi með rúmum í queen stærð og eitt með kojum. Það er líka líkamsræktarstöð með Peloton hjólum, róðravélum, lóðum, auk sérstakts jóga og Pilates stúdíó. Önnur skemmtileg þægindi eru meðal annars 460 fm heilsulind með þremur meðferðarherbergjum, svo og jarðhitalaug, og hljóðbaðstofu.
„Þakka þér @justinbieber fyrir að koma með hæfileika þína og orku til Deplar Farm og Floki Studios,“ birti hótelið og stúdíóið á Instagram. „Þetta var ógleymanleg vika. Hljóðið þitt, í þessu umhverfi, var hreinn galdur – þakklátur fyrir að hafa deilt því með þér og teyminu þínu.“
Skálinn er hluti af vörumerkinu Eleven Experiences, sem einnig er með smáhýsi í Patagóníu, frönsku Ölpunum, Bresku Kólumbíu, Bahamaeyjum og Colorado. Fyrirtækið sér einnig um ævintýraupplifanir með leiðsögn um allan heim, eins og fluguveiði, skíði, gönguferðir, hjólreiðar, fjallgöngur, vatnsíþróttir og tónlist.
Bieber hefur lengi verið aðdáandi Íslands og tók upp tónlistarmyndband sitt „I’ll Show You“ árið 2015, sem hefur verið skoðað 534 milljón sinnum á YouTube, á suðurströnd landsins og sýndi vinsæla staði eins og Jökulsárlón, Seljalandsfoss, Reynisfjöru og Sólheima. Hann tók einnig upp við Fjaðrárgljúfur, sem einnig kom við sögu í Game of Thrones.
