Nýjar myndir af sjónvarpsstjörnunni Sharon Osbourne hafa verið að vekja mikla athygli, en það er enn og aftur útlit hennar sem hefur verið að vekja þessa athygli.

Sharon virðist ekkert ganga að þyngjast á ný, en stjarnan hefur talað opinberlega um það að hún hafi verið á Ozempic en sjái eftir því, þar sem hún léttist of mikið og eigi erfitt með að bæta aftur á sig.

Sharon Ozempic looking every one of her 72 years and 12 more 🫣 Ozempic no thank you 😳 pic.twitter.com/Numh9FOk3F

— Cat C 🐦 (@catco65) May 15, 2025

Fyrir tæplega tveimur árum síðan sagði Sharon í spjallþætti Piers Morgan að hún væri orðin „of grönn“ eftir að hafa notað Ozempic til að grennast og að matarlystin hennar væri ekki komin að fullu til baka.

„Ég varð að hætta. Ég vildi ekki verða svona grönn en það bara gerðist,“ sagði hún og bætti við: „Ég bæti þessu örugglega á mig aftur.“

Nú eru að verða tvö ár liðin og ekkert gengur. Samkvæmt heimildarmanni RadarOnline telur Sharon að „þessi megrunarlyf hafi eyðilagt brennsluna hennar og að það sé engin leið fyrir hana til baka.“

Heimildarmaðurinn bætti við: „Hún getur ekki bætt aftur á sig, og hún þarf að þyngjast af heilsufarslegum ástæðum. Þetta sýnir bara hætturnar við þessi lyf sem lofa árangri strax (e. quick fix).“