Langtímasambönd eru ekki alltaf dans á rósum – til að þau blómgist áfram krefjast þau ástar og að báðilar aðilar leggi sig fram við að rækta sambandið. Þau pör sem ná að halda rómantíkinni lifandi með tímanum tileinka sér ákveðnar venjur sem styrkja sambandið. Hér eru níu atriði sem mörg hamingjusöm pör leggja áherslu á í samböndum sínum.
Þau taka sér tíma hvort fyrir annað, jafnvel þegar lífið er annasamt. Hvort sem um er að ræða að skella sér út að borða eða á viðburði nú eða samverustundir heima við.
Einlæg samtöl um annað en daglegt amstur – til að mynda drauma, tilfinningar og hugsanir – skapa djúpa tengingu.
Þau hlúa að líkamlegri nánd, hvort sem um er að ræða kynlíf, snertingu eða einfalt faðmlag upp í sófa – þetta styrkir tengslin og skapar vellíðan.
Að minnast góðra stunda og búa til nýjar upplifanir saman eykur samkennd og endurnærir sambandið.
Ný verkefni eða tómstundir sem bæði njóta skapar spennu og tilhlökkun í daglegu lífi.
Hamingjusamir einstaklingar skapa hamingjusöm sambönd. Sjálfsrækt og heilbrigði eru grundvöllur trausts sambands.
Þau virða hvort annað sem einstaklinga og leyfa hvort öðru tíma og pláss til að vera ein með sjálfum sér og sinna sínum vinum og áhugamálum– það styrkir sambandið frekar en að veikja það.
Þau einblína á styrkleika og góðar hliðar maka síns og þakka fyrir það sem vel gengur í stað þess að festast í neikvæðni varðandi ákveðna hluti. Enginn er fullkominn!
Sameiginleg hreyfing – hvort sem það er gönguferðir, jóga, golf eða einhverskonar líkamsrækt – bætir bæði líkamlega og andlega heilsu og styrkir tengslin.
