„Sumir fara á Tinder. Aðrir hafa ekki tíma í slíkt vegna anna í búskapnum,“ segir í grein í nýjasta tölublaði Bændablaðsins.
Skemmtilegar einkamálaauglýsingar blaðsins hafa vakið mikla athygli þegar auglýst eftir maka. Bændablaðið bætir nú um betur og birtir lista yfir 11 einhleypa bændur með fullu nafni, mynd og lýsingu nokkurra þeirra um hvernig (drauma)makinn á að vera.
„Hér, kæru landsmenn, er hnarreist úrval af einhleypum bændum landsins. Aldursbilið er afar breitt, eða frá sautján til sextíu og fimm ára og næsta víst að hvert um sig hafi væna mannkosti til að bera – og jafnvel smá heimanmund í formi jarðar og bústofns.“
Nú er bara að ná í símaskrána og finna einn af þessum vænlegu bóndum, já eða nota nútímaháttinn og finna þá á Facebook, og senda viðkomandi skilaboð eða einfaldlega hringja!
