Rapparinn var þekktur fyrir frægu „hvítu partýin“ sín, þar sem gestir mættu í hvítum klæðum. Veislurnar voru vinsælar hjá stjörnunum og vel sóttar.
Justin mætti í eitt slíkt partý á tíunda áratugnum. Hann segist enn muna eftir því sem hann sá.
„Ég man eftir að sjá mikið af kannabis og fullt af berbrjósta konum í sundlauginni og í kringum sundlaugina,“ sagði hann í samtali við New York Post.
I Was a 6-Year-Old at Diddy’s White Party — Weed and Topless Women Were Everywhere – https://t.co/MrVrAvBwUw
— Bridget – Covfefe (@Briann53) October 3, 2024
Justin sagði að á þessum tíma hafi hann ekki áttað almennilega á því hversu furðulegt þetta allt saman væri, hann langaði bara að leika sér í sundlauginni. „Ég vissi ekki hvort brjóst væru góð eða slæm, ég bara hoppaði ofan í laugina,“ sagði hann.
Móðir hans, Maya Litovsky, sagði við New York Post: „Það voru flöskur og naktar konur út um allt. Ég var ekki viss um hvort þetta væri viðeigandi eða eðlilegt. Ég var að hugsa hvers vegna börn fengu að vera þarna til að byrja með.“
Maya sagði að fjölskyldan hafi yfirgefið partýið um hálf tíu um kvöldið eftir að hafa eytt öllum deginum í að reyna að forðast kannabisreyk og hálfnaktar konur.
Sjá einnig: Augnablikið sem sagði stjörnugestunum að yfirgefa partý Diddy áður en allt færi úr böndunum
Samkvæmt Daily Mail kynnti Diddy svokallaðan „útivistartíma“ fyrir krakka í seinni tíð, þannig að börn þurftu að yfirgefa veislurnar fyrr en áður.
