Katrín Þrastardóttir fjölskyldufræðingur ritar í grein sem birt er á Vísi segir að ást eins og sér dugi ekki til að viðhalda góðu ástarsambandi.

Hún segir að gott ástarsamband milli tveggja aðila krefjist virkar þátttöku beggja:

„Ástin er skemmtileg og gefur okkur mikið en hún ein og sér dugar ekki til þess að halda parsambandi gangandi. Til þess þurfum við vinnulag frá báðum aðilum, gagnkvæma virðingu og tilfinningalega skuldbindingu. Þá eru ýmsir þættir sem hafa áhrif á gæði hjónabands, svo sem tilfinningagreind okkar og samskiptafærni, utanaðkomandi álagsþættir og hvernig okkur gengur að mæta áskorunum lífsins saman.“

Katrín segir góð og opin samskipti mikilvæg í parasamböndum og gagnstætt því sem margir haldi þá sé fólk misgott í samskiptum:

„Flest teljum við okkur vera náttúrulega góð í samskiptum. Rannsóknir hafa þó sýnt að svo er ekki, flest þurfa að leggja sig fram við að vanda samskipti svo gæði þeirra verði mikil og kostar það meðvitund og æfingu. Þessi skortur á samskiptafærni skapar ekki einungis vanda á vinnustöðum heldur einnig í fjölskyldum og parsamböndum. Það er því lykilatriði í öllum samböndum að iðka opin og skýr samskipti og vera meðvituð um þau.“

Katrín segir nauðsynlegt að bera virðingu fyrir viðhorfi makans og að hlusta á hann og að tryggja að sjónarmið beggja aðila heyrist og séu virt. Góð samskipti séu lykilatriði þegar kemur að því hversu vel sambandið gengur:

„Rannsóknir hafa sýnt okkur fjölskyldufræðingum að gæði samskipta eru í takt við gæði sambandins og leggjum við því ríka áherslu á að styðja pör við að temja sér jákvæð og árangursrík samskipti.“

Grein Katrínar í heild sinni er hægt að lesa hér.