Sjá einnig: Klámstjarnan hætti að geta gengið
Jenna, sem hlaut viðurnefnið „klámdrottningin“ árum áður, deilir ótrúlegum myndum sem sýna árangur hennar eftir veikindin.
Jenna, 49 ára, sagði á sínum tíma að hún væri með Guillian-Barré heilkennið. Um er að ræða mjög sjaldgæfan taugasjúkdóm þar sem ónæmiskerfi líkamans veldur skaða á taugafrumum sem getur valdið verkjum, dofa, slappleika í vöðvum og getur í alvarlegustu tilfellum leitt til lömunar. Flestir ná sér að fullu af þessum sjúkdómi samkvæmt vef Lyfjastofnunar.
Síðar greindi hún frá því að hún væri ekki með heilkennið heldur væri hún að glíma við einhvern annan dularfullan sjúkdóm sem henni tókst að lokum að vinna bug á.
Á dögunum birti klámdrottningin nokkrar myndir á Instagram sem sýna hvernig hún lítur út í dag miðað við hvernig hún leit út þegar hún var sem veikust.
„Jæja, þetta er að gerast. Andlega heilsan er að skána, mér líður vel í ræktinni og það er mun auðveldara að ganga eftir þyngdartapið. Ketó virkar svo vel fyrir mig, ekki alla, en það hefur alltaf verið mín aðferð,“ segir Jenna.
Jenna Jameson naut gífurlega vinsælda fyrir nokkrum árum þegar hún var vön að skrifa mikið um ketó á Instagram og deildi lyklinum að árangri sínum á mataræðinu.
