Svo virðist sem að allt að 56% starfsfólks hafi áhyggjur af hávaða og öðrum skarkala í vinnunni og telji að hann komi niður á framleiðni þeirra. Þá skiptir máli að vera með réttu vinnuheyrnartólin.
Eins og flestir vita getur truflun í vinnunni verið ýmis konar, hvort sem viðkomandi er staddur í heimavinnu, er á ferðinni eða í opnu rými á skrifstofunni. Þeir sem vinna heima geta orðið fyrir truflun gæludýra eða annarra á heimili, aðrir truflast auðveldlega af tali vinnufélaga eða af umhverfishljóðum svo dæmi séu tekin, að því er fram kemur í grein hjá Poly, sem sérhæfir sig framleiðslu hljóð- og myndlausna.
„Til þess að stuðla að jafnvægi í vinnurýmum hafa fyrirtæki í vaxandi mæli gert starfsfólk kleift að velja sér heyrnartól sem henta þeim fyrir mismunandi aðstæður, en ávallt er mælt með því að þau búi yfir hljóðvörn til þess að draga úr óþarfa hljóðum, tryggja einbeitingu og bæta samtöl hvort sem þau eru yfir síma eða myndsímtöl,“ segir Gísli Þorsteinsson vörustjóri HP Poly lausna hjá Opnum kerfum.
„Í heimavinnu eða í opnu rými þarf starfsfólk heyrnartól sem ýta frá hljóðum sem koma frá öðru fólki eða umhverfinu,“ segir Gísli. „Fyrir fólk á ferðinni er mikilvægt að geta haft hljóðeinangrandi heyrnartól sem eru jafnframt með vindvörn og hljóðnema sem ýta frá mismunandi bakgrunnshljóðum allt eftir því hvar viðkomandi er staddur hverju sinni.“
Aukinheldur þarf að vega og meta hverju sinni hvort notandi þurfi heyrnartól á eyrun, yfir eyrun eða tappa. Allar þessar þrjár gerðir eru ólíkar.
