Ástralski leikarinn Chris Hemsworth er staddur á Íslandi ásamt dóttur sinni, India Rose, sem er ellefu ára. 

Hemsworth er þekktastur fyrir hlut­verk sitt sem þrumu­guðinn Þór í Mar­vel myndunum. India Rose lék með honum í þeirri nýjustu, Thor: Love and Thunder.

Hemsworth hefur nú birt fyrstu myndirnar frá Íslandsferðinni á Instagram.

Hemsworth tilkynnti í fyrra að hann ætlaði að taka sér frí um óákveðinn tíma frá leiklistinni og verja tíma með fjölskyldunni, eftir að uppgötvaðist að hann er með for­næmi fyrir Alz­heimer sjúk­dóminum. Hann er með tvo erfða­breyti­leika sem auka líkurnar á sjúkdóminum.