fbpx
Þriðjudagur 16.apríl 2024
Fókus

Sara var á tímabili föst í hlutverki fórnarlambs – Var veik af bæði alkahólisma og átröskun í mörg ár

Guðrún Gyða Eyþórs Árnadóttir
Sunnudaginn 9. apríl 2023 20:30

Ekki missa af Helstu tíðindum dagsins í pósthólfið þitt

Lesa nánar

Sara Pálsdóttir er lögfræðingur, dáleiðari, heilari, tveggja barna móðir, fyrirlesari og margt fleira. Hún er nýjasti viðmælandi hlaðvarpsins Sterk saman.

Sara ólst upp í Árbæ og síðar Grafarvogi, framan af var hún rólegt barn sem lítið fór fyrir en það varð mikill vendipunktur í hennar lífi þegar foreldrar hennar skildu, hún þá tólf ára. Unglingsárin urðu því öðruvísi segir hún.

Varð strax mjög alkahólísk

„Ég fór í uppreisn, þar hófst eiginlega mín alkahólíska hegðun. Ég fór að fara á sjoppufyllerí og vera mikið úti um helgar.“

Sara talar um að hún hafi strax orðið mjög alkahólísk og farið mikið í blackout þar sem hún mundi ekkert en hún var veik af bæði alkahólisma og átröskun í mörg ár.

„Þessir sjúkdómar geta grasserað af sömu eða svipuðum rótum ef maður vinnur ekki í þeim. Ég var á tímabili föst í hlutverki fórnarlambs þar sem mér fannst hræðilegt að vera bæði alkahólisti og með geðsjúkdóm og fannst það hræðileg örlög,“ segir hún og bætir við að í dag sé hún þakklát fyrir þessa reynslu og hlær.

Rak eigin lögfræðistofu sárþjáð

Sara þjáðist af krónískum verkjum, þreytu og vanlíðan í langan tíma, hún átti og rak eigin lögfræðistofu sem gekk vel en það stefndi í að hún þyrfti að hætta að vinna sökum veikinda.

„Ég ákvað að leita þá aftur í AA prógrammið og sjá hvað ég hefði ekki nýtt mér og fann þar hugleiðslu og bæn. Ég fór að hugleiða, fyrst bara fimm mínútur á dag og það var byrjunin á því sem ég geri í dag.“

Sara hefur menntað sig á þessu sviði undanfarin ár og fékk ákveðna köllun, eins og hún orðar það, sem hún lifir eftir í dag.

„Ég segi ekkert sem ég vil ekki að sé satt og segi það sem ég vil að gerist.“

Sara er með þessu að breyta hugsunum sínum og þannig hegðun og líðan.

Mikið rugl í gangi

Aðspurð hvort það sé ekki erfitt að halda í jákvæðnina þegar hún vinnur mál sem lögfræðingur gegn barnavernd segir hún:

„Jú, það var sérstaklega erfitt fyrst, ég þekkti kerfið ekkert og það kom mér svo á óvart hversu mikið rugl var í gangi. Í dag hefur þetta ekki þessi áhrif, ég tek öðruvísi á því.“

Hún segir okkur frá hrottalegu ofbeldi, mannréttindabrotum, lögbrotum og öðru sem barnavernd beitir hennar skjólstæðinga.

Sara verður reið þegar hún nefnir nokkur dæmi þess þegar dómstólar hafa horft framhjá augljósum mannréttindabrotum gegn börnum og foreldrum á Íslandi en hvergi fást svör.

Þegar ákveðnar barnaverndir eða starfsmenn fremja lögbrot sem varðar hegningarlög en lögreglan gerir ekkert, fara gegn lögum og reglugerðum sem fordæmi eru fyrir en hún segist ekki ætla að hætta að tala um þessi mál, þrátt fyrir að margir hafi reynt að þagga niður í henni.

Það má hlusta á viðtalið við Söru Pálsdóttur í heild sinni í hlaðvarpinu Sterk saman.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Tinna er líklega búin að finna móður sína – „Ég þarf að vera tilbúin til að fara út til þegar kallið kemur“

Tinna er líklega búin að finna móður sína – „Ég þarf að vera tilbúin til að fara út til þegar kallið kemur“
Fókus
Fyrir 2 dögum

Einn dáðasti leikarinn á leið í hnapphelduna eftir að unnustan fór á skeljarnar

Einn dáðasti leikarinn á leið í hnapphelduna eftir að unnustan fór á skeljarnar
Fókus
Fyrir 3 dögum

„Það var mjög erfitt að horfa upp á ungan mann í dauðastríði“

„Það var mjög erfitt að horfa upp á ungan mann í dauðastríði“
Fókus
Fyrir 3 dögum

Jón Arnar byrjaði skyndilega að missa hárið – Hefði gert þetta öðruvísi í dag

Jón Arnar byrjaði skyndilega að missa hárið – Hefði gert þetta öðruvísi í dag
Fókus
Fyrir 4 dögum

Læknir segir að þú getir sagt til um typpastærð karlmanns með því að horfa framan í hann

Læknir segir að þú getir sagt til um typpastærð karlmanns með því að horfa framan í hann
Fókus
Fyrir 4 dögum

Prinsinn rýfur þögnina eftir að Katrín greindi frá krabbameinsgreiningunni

Prinsinn rýfur þögnina eftir að Katrín greindi frá krabbameinsgreiningunni