Michael og Destiny Lentini giftust í Flórída eftir tíu ára samband. Ljósmyndarinn Jonathan Pajak festi brúðkaupið á filmu og birti myndband frá athöfninni á TikTok.
„Þegar brúðguminn sagði þetta á brúðkaupsdaginn, þá hefði ég átt að vita að svona yrðu brúðkaupsheitin hans,“ skrifaði Jonathan með myndbandinu.
Á einni viku hefur myndbandið fengið næstum 20 milljónir í áhorf. Aðrir hafa endurbirt það og fara ekki fögrum orðum um heiti brúðgumans.
„Ég þarf aðeins tvo hluti til að vera hamingjusamur, fullan maga og tóm eistu.“ Svona hófust brúðkaupsheit Michael.
„Þú ert stórkostleg í öðru af þessu, en við þurfum að skrá þig á matreiðslunámskeið.“
Hann kom með fleiri dónabrandara og á einum tímapunkti skammaði móðir hans hann.
@lensculture You’re not gonna believe what he said in his vows! #weddingvows #groomsvows #ohhno #brideandgroom #weddingbloopers #weddingceremony #vowsgonewrong ♬ Full Heart Empty Balls – Jonathan Pajak
Fjöldi netverja hafa skrifað við myndbandið og gagnrýnt Michael. Destiny kom honum til varnar og sagði að brúðkaupsheit hans væru ekki „rautt flagg“.
