Valdís Eiríksdóttir útvarpskona á Bylgjunni og Óskar Logi Ágústsson söngvari og gítarleikari eru nýtt par.
Vala hefur vakið athygli fyrir geislandi framkomu, jákvætt viðhorf og góða útvarpsrödd, en hún hefur meðal annars verið einn meðlima morgunþáttarins Bítið og stýrir óskalagaþættinum Með kærri kveðju. Vala hefur gefið út nokkrar plötur, sú nýjasta, Jólin okkar, kom út nú fyrir jólin.
Óskar Logi stofnaði rokksveitina Vintage Caravan ásamt félaga sínum árið 2006 þegar þeir voru í grunnskóla á Álftanesi. Sveitin hefur notið feikna vinsælda hér á landi og erlendis, og þykir framkoma þeirra á sviði mikið sjónarspil og mögnuð upplifun. Sveitin hefur gefið út nokkrar plötur, þá síðustu Monuments árið 2021. Í síðustu viku lauk sveitin Evrópuferðalagi sínu með tónleikum í Iðnó, en sveitin hefur verið ötul við tónleikahald erlendis á árinu.
Fókus óskar þessum tónelsku turtildúfum til hamingju með ástina.