Bókakonfekt Forlagsins hefst í kvöld kl. 20 í Hannesarholti Grundarstíg 10. Kvöldið er það fyrsta af fjórum en á þeim koma höfundar höfundar Forlagsins og kynna bækur sínar fyrir gestum, spjalla um þær og lesa upp úr þeim. 

Upplestrarkvöldin eru fyrir löngu orðin fastur liður í vetrardagskrá bókaáhugafólks og þar myndast notalegt og hátíðlegt andrúmsloft.

Bryddað verður upp á þeirri nýjung í ár að streyma beint frá Bókakonfektinu.

Eftirfarandi höfundar munu lesa upp í kvöld:

Hanna Óladóttir – Bakland

Njörður P. Njarðvík – Eina hverfula stund

Ófeigur Sigurðsson – Far heimur, far sæll

Sigrún Eldjárn – Fjaðrafok í mýrinni

Sigrún Pálsdóttir – Men

Sverrir Norland – Kletturinn

Vilborg Davíðsdóttir – Land næturinnar

Léttar veitingar verða í boði fyrir þá sem mæta á staðinn og bækur ofangreindra höfunda verða seldar á staðnum.

Næstu bókakonfekt fara fram næstu þrjú miðvikudagskvöld. Þau verða einnig  í Hannesarholti við Grundarstíg og hefjast klukkan 20.