Leikkonunni og heilsugúrúnum Gwyneth Paltrow var stefnt fyrir dóm af augnlækni á eftirlaunum vegna áreksturs sem átti sér stað í skíðabrekku í Utah árið 2016.

Aðalmeðferð fór fram í mars á þessu ári og var í beinni útsendingu. Málið vakti gríðarlega athygli og er óhætt að segja að samfélagsmiðlar hafi logað á meðan því stóð.

I hate to tell you this but if you’re only hitting the slopes now you’ve missed a half day of skiing which is <checks notes> the worst thing that can happen to anyone pic.twitter.com/vjs0YknBbZ

— Mark Lewis (@marklewismd) March 26, 2023

Sjá einnig: Gwyneth Paltrow höfð að háði og spotti fyrir ummæli sem hún lét falla í dómsal

Terry hélt því fram að leikkonan hafi rekist á hann í brekkunni með þeim afleiðingum að hann hlaut brotin rif og heilaskaða. Hann sagðist glíma við bæði líkamlegar og andlegar afleiðingar eftir slysið, hann hélt því einnig fram að Gwyneth og leiðbeinandi hennar hafi látið sig hverfa eftir slysið.

Hann fór fram á rúmlega 428 milljónir í skaðabætur. Gwyneth fór fram á einn dollara í táknrænar skaðabætur auk málskostnaðar sér að skaðlausu, en hún hélt því fram að læknirinn hafi ákveðið að stefna henni eftir að honum varð ljóst að hún væri fræg og efnuð. Dómurinn féll Gwyneth í vil.

Sjá einnig: Gwyneth Paltrow stefnt fyrir dóm vegna skíðaslyss – Allt sem þú þarft að vita

Viðtalið við The New York Times

Gwyneth, sem stofnaði lífsstílsfyrirtækið Goop, segir í viðtalinu að hún hefur ekki enn tekist að vinna úr þessu.

„Á hverjum morgni vaknaði ég og klæddi mig til að fara í mjög spennuþrungnar aðstæður,“ sagði hún.

„Þetta allt saman var frekar skrýtið. Ég held að ég sé ekki búin að vinna úr þessu. Mér líður eins og þetta hafi verið eitthvað sem ég lifði af. Það tekur mig stundum langan tíma að gera upp hlutina og skilja þá.“

Sjá einnig: Netverji náði að afhjúpa hópspjall sem lögmenn Paltrow höfðu árangurslaust reynt að opna – „Ég bara trúi því ekki að þau hafi ekki náð þessu“