Hin bandaríska Whitney Sharpe er 28 ára gömul og er varastjóri fyrirtækis í Boston sem sér um ráðningar og starfsmannahald. Hún var á Zoom fundi með hugsanlegum samstarfsaðilum þegar hún sá skilaboð sem hún átti ekki að sjá.
Hugsanlegu samstarfsaðilarnir, sem voru allir karlmenn, deildu óvart tölvuskjáum sínum á fundinum, sem sýndi Whitney ekki aðeins skjái þeirra heldur einnig skilaboðin um hana sem þeir höfðu sent sín á milli.
Í samtali við BuzzFeed News segir Whitney að hún vilji ekki hafa eftir það sem þeir sögðu en segir að þeir hafi verið að tala um hana á mjög óviðeigandi hátt. Hún segir að einn hafi kallað hana „fokking bombu“.
Eftir að fundinum lauk tók Whitney upp myndband þegar hún ræddi við mennina um atvikið og deildi því á TikTok.
Myndbandið hefur vakið gríðarlega athygli á miðlinum, yfir 13 milljónir í áhorf og yfir tvær milljónir manna hafa líkað við það.
@whitneyrose617It’s rough being a woman in a male dominated field 😬♬ original sound – Whitney
„Til að byrja með, ef við ætlum að vinna saman þá vil ég vinna með kvenkyns sölufulltrúa því ég vil ekki sjá [dónatal] um mig þegar þið eruð að deila tölvuskjáum,“ sagði hún við mennina.
Einn maðurinn svaraði og sagði að þetta hefðu verið óafsakanleg mistök. „Biðst velvirðingar á því,“ heyrðist hann segja.
Whitney hefur verið hrósað hástert fyrir viðbrögð sín. Barbara Corcoran úr Shark Tank skrifaði við myndbandið: „Þú rokkar!“
Hún ræðir um málið við BuzzFeed News. „Ég var miður mín því ég hef þurft að leggja svo hart að mér til að komast á þann stað sem ég er á núna. Ég er varaforstjóri fyrirtækisins og er ein af hæst settu konum fyrirtækisins. Og mér finnst eins og ég þurfi að leggja mig meira fram til að sanna að ég sé klár vegna útlits míns og það var mjög sárt að vera á fundi með hugsanlegum samstarfsaðila þar sem hann kann ekki að meta fyrirtæki mitt eða það sem ég hef að segja, heldur kann hann að meta útlit mitt,“ segir hún.
Whitney viðurkennir að það hafi verið mjög stressandi að ræða við mennina um málið en hún hafi viljað vera eins róleg og fagmannleg og hún gat. „Það síðasta sem ég vildi gera var að gefa þeim tækifæri til að segja að ég væri að vera viðkvæm. Ég vildi ekki gefa þeim færi á því. Ég var að einbeita mér að því að vera eins róleg og ég gat og gráta ekki.“
Whitney hefur verið í þessum bransa í átta ár og varð fyrst fyrir kynferðislegri áreitni mjög snemma á ferlinum. Hún segir að karlkyns viðskiptavinur hafi beðið hana um að setjast við hliðina á honum í sófanum og þegar hún settist lagði hann höndina á lærið hennar. Þegar hún fjarlægði hönd hans sagði hann henni að „vera ekki svona,“ segir Whitney.
„Þetta var í fyrsta sinn sem eitthvað svona gerðist og þetta hélt bara áfram að gerast,“ segir hún.
Whitney birti afsökunarbeiðnina sem hún fékk frá fyrirtækinu sem hún sat umræddan fund með og sagði að þetta vera dæmi um hvernig ætti ekki að biðjast afsökunar. Í tölvupóstinum kom meðal annars fram að það væru engar konur nógu „hæfar“ innan fyrirtækisins til að vinna með henni, en hún hafði beðið um að fá að vinna með kvenkyns sölufulltrúa vegna óviðeigandi ummæla karlkyns starfsmannanna.
Fyrirtæki Whitney stendur á við bak hennar og hefur ákveðið að vinna ekki með þessum aðilum.
@whitneyrose617 How not to apologize in corporate America 101 #hrnightmare ♬ Flowers – Miley Cyrus
