Raunveruleikastjarnan Kylie Jenner hefur loksins opinberað nafn sonar síns, sem verður eins árs þann 2. febrúar næstkomandi.
Fyrst fékk drengurinn nafnið Wolf Webster en stuttu seinna greindi Kylie frá því að þau hefðu hætt við að nefna drenginn því nafni og að þau myndu tilkynna nýja nafnið hans síðar. Aðdáendur hafa beðið óþreyjufullir og fengu loksins ósk sína uppfyllta um helgina.
Drengurinn heitir Aire og útskýrir raunveruleikastjarnan hvernig á að bera það fram.
Netverjar veltu fyrir sér hvort það væri borið fram „Air“ eða „Airey“ og sagði Kylie að það væri „Air“.
Kylie birti einnig fyrstu myndirnar af andliti sonarins í færslunni hér að neðan, sem yfir 21 milljón manns hafa líkað við.
