„Ég sótti um skilnað og er það í ferli. Þetta var ekki að ganga upp, mikið af erfiðleikum því miður,“ segir hún í samtali við DV.
„Ég reyndi allt en það gengur ekki að önnur manneskjan sé að leggja allt á sig og hin ekki. Hlutum var lofað og ekki staðið við og síðan vildi hann ekki búa á Íslandi. Þetta er allavega fullreynt á minni hálfu. Hann er ekki lengur á landinu. Þetta er auðvitað mjög sorglegt en ég er ekki tilbúin að vera óhamingjusöm eftir allt sem ég er búin að þurfa ganga í gegnum.“
Sara og Chris byrjuðu saman árið 2016 og hún flutti til Íslands árið 2020. Þau hættu saman um stutt skeið en byrjuðu aftur saman. Þau gengu í það heilaga í fyrra.
Nóg er fram undan hjá Söru sem vinnur hörðum höndum að ná markmiðum sínum í lífinu.
„Allt gengur samt vel hjá mér. Ég er á þriðja ári í viðskiptafræði með áherslu á viðskiptagreind á Bifröst. Útskrifaðist sem einkaþjálfari. Stofnaði fyrirtæki Empower With Sara, það er fyrirtæki sem hjálpar fólki að lifa sínu besta lífi í health, fitness and business. Hlakka mikið til að koma því af stað. Annars er lífið yndislegt og ekkert nema bjartir tímar framundan,“ segir hún.
Sara var áður gift vaxtaræktarmanninum Rich Piana, sem varð bráðkvaddur árið 2017. Þegar þau gengu í hjúskap tók hún upp eftirnafn hans, Piana, og hefur heitið það samkvæmt Þjóðskrá síðan. Hún breytti eftirnafni sínu í Miller á samfélagsmiðlum meðan hjónabandi hennar og Chris Miller stóð, en hefur tekið upp lagalegt nafn á ný á Instagram og Facebook.
Auk þess að vera einkaþjálfari, fyrirtækjaeigandi og háskólanemi er hún einnig vinsæll áhrifavaldur með yfir 100 þúsund fylgjendur á Instagram. Áhugasamir geta fylgst með henni hér.
Sjá einnig: Sara minnist Rich Piana – „Við áttum svo margar góðar minningar en líka erfiðar“
