Fegurðarsamkeppnin Miss Gay Mato Grosso fór fram í Brasilíu fyrir viku síðan. Hasar varð við verðlaunaafhendinguna þegar eiginmaður keppandans sem varð í öðru sæti varð ósáttur við að sín kona var ekki valin sú fegursta.

Í myndbandi má sjá tvær stigahæstu, Várzea Grande Emannuelly Bellini og  Cuiabá Nathally Becker, standa á sviðinu og haldast í hendur meðan beðið er eftir að tilkynnt sé hvor þeirra bar sigur úr býtum.

Stuttu eftir að tilkynnt var að Bellini bæri sigur úr býtum og starfsmaður keppninnar er að krýna hana, má sjá eiginmann Becker storma upp á sviðið, rífa kórónuna til sín og grýta henni í gólfið. Reyndi hann jafnframt að fá konu sína með sér til að yfirgefa sviðið. Heyra má öskur áhorfenda áður en öryggisverðir slást í leikinn og fjarlægja eiginmanninn af sviðinu.

Forsvarsmenn keppninnar birtu yfirlýsingu á Instagram á mánudag, þar sem þeir segjast fordæmda athæfið. 

„Við fordæmum harðlega atvikið sem átti sér stað við krýninguna, þegar eiginmaður Becker réðst inn á sviðið og eyðilagði kórónuna. Lögfræðiteymi okkar er komið í málið og mun grípa til viðeigandi lagalegra ráðstafana. Samhugur okkar er með hinni kjörnu Ungfrú sem og ungfrúnni sem lenti í öðru sæti, enda er hún ekki ábyrg fyrir hegðun þessa einstaklings.“

Myndbandið má sjá á vef TMZ.