Fókus eru nýir lífsstílsþættir á DV í umsjón Guðrúnar Óskar Guðjónsdóttur. Fyrsti gestur var engin önnur en Ísdrottningin Ásdís Rán Gunnarsdóttir. Hún hefur svo sannarlega unnið sér inn fyrir þeim titli en auk þess að vera glamúrfyrirsæta hefur hún í gegnum árin einnig verið einkaþjálfari, þyrluflugmaður, rithöfundur, fatahönnuður, umboðsmaður svo fátt sé nefnt.
Í þættinum fer Ásdís Rán yfir annansaman feril sinn, lífið í Búlgaríu, mikilvægi þess að læra auðmýkt til að endast í bransanum og svo margt annað.
„Þetta er líka spurning um arfleifðina sem þú skilur eftir þig. Ég hef verið að ryðja brautir fyrir aðra í alls konar iðnaði, til dæmis glamúrheiminum á Íslandi. Ég hef alveg átt hann frá upphafi,“ segir hún í þættinum sem má horfa á í heild sinni í spilaranum hér að ofan.
Sjá einnig: Ásdís Rán kemur með glamúrinn á OnlyFans
