„Pete og Emily hafa verið að tala saman í nokkra mánuði núna. Þau eru bara á byrjunarstigi en eru mjög hrifin af hvort öðru,“ sagði heimildarmaður Us Weekly.
Þau kynntust í gegnum sameiginlegan vin. „Pete fær Emily til að hlæja og elskar hversu gáfuð hún er,“ bætti heimildarmaðurinn við.
Orðrómur um hugsanlegt ástarsamband þeirra kviknaði eftir það sást til þeirra haldast í hendur á laugardaginn í Brooklyn í New York. Slúðursíðan DeuxMoi greindi frá því.
Pete, 28 ára, og Emily, 31 árs, hafa hingað til haldið sambandi sínu leyndu.
Pete var áður í sambandi með raunveruleikastjörnunni Kim Kardashian. Hann hefur einnig verið orðaður við poppgyðjuna Ariönu Grande, leikkonurnar Kate Beckinsale og Phoebe Dynevor og fyrirsætuna Kaiu Garber.
Þegar Kim og Pete voru að byrja saman veltu margir fyrir sér hvað það væri við hann sem gerði það að verkum að allar þessar stórglæsilegu konur féllu fyrir honum.
Emily ræddi um sjarma hans í viðtali hjá Seth Meyer í Late Night fyrir rétt rúmlega ári síðan. Hún sagði að sér þætti hann „súper sjarmerandi.“
Sjá einnig: Ofurfyrirsæta útskýrir hvað sé svona aðlaðandi við Pete Davidson
Á þeim tíma var Emily gift Sebastian Bear-McClard en þau hættu saman í sumar eftir að upp komst um framhjáhald Sebastian. Þau eiga saman dótturina Sylvester Appolo.
