Í gær óskaði hún eftir píkumyndum sem hún mun síðan birta á heimasíðu sinni, siggadogg.is. Viðbrögðin létu ekki á sér standa og í gærkvöldi greindi Sigga Dögg frá því að hún hafi fengið fjölda mynda.
„Staðan er þannig að ég hef ekki undan við að svara píkumyndum og vera í samtali við þau sem senda inn myndir, því ég fæ alltaf smá upplýsingar til að setja inn með píkumyndunum. Ég hélt þetta yrðu svona tíu myndir. Nei… Þetta eru svolítið margar myndir. Við verðum kannski allavega fram að jólum að birta þessar myndir. Ég mun þurfa að gera skemmtilegt myndband með tónlist undir,“ sagði Sigga Dögg á Instagram í gær.
Hún hefur þegar birt tvær píkumyndir en hún mun koma til með að birta „Píku dagsins“ á hverjum degi þar til hún verður uppiskroppa með myndir.
Myndirnar má nálgast á siggadogg.is en hún tekur fram í hverri færslu að „þetta er ekki eitthvað sem þú ættir að skoða ef þú ert í almannarými til að særa ekki blygðunarkennd viðstaddra.“
Með hverri píkumynd fylgir smá saga frá eiganda hennar.
Sigga Dögg er með útsölu í tilefni „Singles Day“ í dag og eru vinsælu námskeiðin hennar – Kjaftað um kynlíf – á afslætti á vefsíðu hennar.
Námskeiðin hafa vakið mikla lukku hjá uppalendum um land allt. Boðið er upp á námskeið fyrir foreldra með börn frá fæðingu til átján ára aldurs.