Athafnakonan og áhrifavaldurinn Birgitta Líf Björnsdóttir kom kærasta sínum, Enok Jónssyni, rækilega á óvart með Playstation 5 leikjatölvu.
Hún birtir myndband af viðbrögðum hans á TikTok og segir að um sé að ræða snemmbúna afmælisgjöf. Enok verður 21 árs þann 17. nóvember næstkomandi
Í myndbandinu – sem hefur fengið yfir 50 þúsund áhorfa – opnar grunlaus Enok skottið, sér tölvuna og faðmar Birgittu innilega að sér.
Horfðu á það hér að neðan.
@birgittalifbearly birthday 🥹🎁
Það verður gaman að sjá hvað Enok gerir fyrir Birgittu á afmælisdaginn hennar en það er stórafmæli í vændum, athafnakonan verður þrítug þann 19. október næstkomandi.
Fyrst var greint frá sambandi þeirra í mars á þessu ári. Margir landsmenn þekkja Birgittu Líf, hún er markaðsstjóri World Class, og erfingi ræktarveldisins. Hún er einnig eigandi Bankastræti Club og raunveruleikastjarna LXS-þáttanna.
