Tónlistarkonan Courtney Love segir að leikarinn Johnny Depp hafi bjargað lífi hennar eftir að hún tók inn of stóran skammt eiturlyfja árið 1995. Atvikið átti sér stað fyrir utan þekkta skemmtistaðinn Viper Room.

Courtney deilir frásögninni og lýsir yfir stuðning við leikarann sem stendur nú í málaferlum við fyrrverandi eiginkonu sína Amber Heard.

„Ég vil ekki fella neina dóma opinberlega en ég vil bara segja að Johnny gaf mér hjartahnoð eftir að ég hafði tekið inn of stóran skammt fyrir utan Viper Room,“ sagði Love.

Hún sagði að Depp hafi einnig stutt við dóttur hennar, Frances Bean Cobain, á meðan hún glímdi við fíkn.

„Johnny– á meðan ég var á krakki og Frances þurfti að líða fyrir það með félagsmálayfirvöldum – skrifaði henni fjögurra blaðsíðna bréf, sem hún sýndi mér aldrei, á 13 ára afmæli hennar. Hann þekkti mig nánast ekkert. 

Síðan sendi hann limmósíu að skóla hennar þegar fulltrúar barnaverndarnefndar voru þar að sniglast – aftur óumbeðinn – til að sækja hana og vini hennar.“ 

Love bætti við að hún hefði samúð með Ambera Heard, því sjálf hafi Love upplifað að vera „hataðasta konan í Ameríku“, eitthvað sem hún kæri ekki um að rifja upp.

„Ég hef verið hataðasta konan í heiminum fyrir tíma TikTok og það er virkilega…..ég hef samúð með því hvernig Amber hlýtur að líða. Fokk, getið þið ímyndað ykkur hvernig er að vera hún?“

Myndskeiðinu, þar sem Love lét ofangreind ummæli falla, var birt á Instagram síðu vinkonu Love, Jessicu Reed Kraus.

Love hefur síðan gefið út að myndbandið hafi verið birt í hennar óþök. „Ég vil veita vini hlutlausan stuðning. Ég vil ekki taka þátt í einelti. Það mikilvæga í því sem var birt er að ég sagði þar að við ættum öll að hætta að skemmta okkur í þórðargleðinni og sýna samkennd með báðum aðilum. Ef ég særði einhvern, vinsamlegast fyrirgefið mér.“